• Editor
• March 26, 2026
• அரசியல், தமிழ் Header
• அரசியல்
• 0 Comments

இலங்கைக்கு வருகைத் தருமாறு ஈரானிய கப்பலுக்கு இராஜதந்திர மட்டத்தில் எவ்விதமான உத்தியோகபூர்வ அழைப்பும் விடுக்கவில்லை.இலங்கைக்கான ஈரானிய தூதுவர் பற்றி கருத்து தெரிவிப்பதற்கு தயாரில்லை என அமைச்சரவை பேச்சாளர் நளிந்த ஜயதிஸ்ஸ குறிப்பிட்டார். அரசாங்கத் தகவல் திணைக்களத்தில் 24-03-2026அன்று நடைபெற்ற அமைச்சரவை தீர்மானங்களை அறிவிக்கும் ஊடகவியலாளர் சந்திப்பின் போது மேற்கண்டவாறு குறிப்பிட்டார். இந்தியாவில் விசாகப்பட்டினத்தில் இடம்பெற்ற நிகழ்வில் கலந்துக் கொண்ட ஈரானிய கப்பல்களை இலங்கைக்கு வருமாறு இலங்கை அழைப்பு விடுத்ததாக இலங்கைக்கான ஈரானிய தூதுவர் அலிரெஸா டெல்கோஷ் குறிப்பிட்ட விடயம் மற்றும், ஈரானிய தூதுவர் கொழும்பில் …

• Editor
• March 26, 2026
• அரசியல், தமிழ் Header
• அரசியல்
• 0 Comments

நாடளாவிய ரீதியில் அதிகரித்துவரும் வன்முறைகளாலும், சட்ட அமுலாக்கத்துறை அரசியல்மயமாக்கப்பட்டிருப்பதனாலும் பொதுமக்கள் மற்றும் சட்டத்தரணிகள் உள்ளடங்கலாக நீதித்துறையினர் பாரிய அச்சுறுத்தல்களுக்கு முகங்கொடுத்திருப்பதாகக் குறிப்பிட்டு சர்வதேச சட்ட நிபுணத்துவ அமைப்புகளுக்கு எதிர்க்கட்சிகள் கூட்டாகக் கடிதமொன்றை அனுப்பிவைத்துள்ளன. எதிர்க்கட்சித்தலைவர் சஜித் பிரேமதாஸ மற்றும் எதிர்க்கட்சிகளைப் பிரதிநிதித்துவப்படுத்தும் ரணில் விக்ரமசிங்க, நாமல் ராஜபக்ஷ, ஜீவன் தொண்டமான், நிமல் சிறிபால டி சில்வா, மனோகணேசன், திலித் ஜயவீர, சுகீஸ்வர பண்டார, ரவி கருணாநாயக்க, அநுர பிரியதர்ஷன யாப்பா, பிரேம்நாத் சி.தொலவத்த ஆகியோர் உள்ளடங்கலாக 18 பேர் இக்கடிதத்தில் கையெழுத்திட்டுள்ளனர். நாட்டில் தொடர்ச்சியாகப் …

• Editor
• March 25, 2026
• அரசியல், தமிழ் Header
• அரசியல்
• 0 Comments

எமக்கு உதவி செய்யும் நட்பு நாடுகளை அவமதிப்பது முறையான வெளியுறவுக் கொள்கையல்ல எனவும், ஈரான் தொடர்பில் அரசாங்கம் வெளியிடும் கருத்துகள் அந்த நாட்டுக்கு இழைக்கப்படும் அவமரியாதை எனவும் முன்னாள் அமைச்சர் பேராசிரியர் ஜி.எல். பீரிஸ் தெரிவித்தார்.  கொழும்பில்இடம்பெற்ற ஊடகவியலாளர் சந்திப்பின் போதே அவர் இவ்விடயத்தைக் குறிப்பிட்டார்.  அவர் மேலும் தெரிவிக்கையில், நாங்கள் ஆட்சியில் இருந்திருந்தால், எமக்கு உதவும் நட்பு நாடுகளை இதுபோன்று ஒருபோதும் அவமதித்திருக்க மாட்டோம். அண்மையில் இலங்கை வந்த ஈரான் கப்பல் குறித்து இலங்கைக்கான ஈரான் தூதுவர் மிகவும் தெளிவான கருத்தை முன்வைத்திருந்தார். இலங்கைக் கடற்படைத் தளபதியின் நேரடி அழைப்பின் பேரில், ஒரு நட்பு ரீதியான பயணமாகவே அந்தக் கப்பல் இலங்கை வந்ததாக அவர் குறிப்பிட்டிருந்தார். இது அரசாங்கம் விடுத்த உத்தியோகபூர்வ அழைப்பாகும். எனினும்  அவ்வாறானதொரு இராஜதந்திர அழைப்பு விடுக்கப்படவில்லை என அமைச்சரவைப் பேச்சாளர் கூறுவது முற்றிலும் தவறானது. ஈரான் தூதுவரின் கூற்றை அரசாங்கம் பொய்யெனக் கூறுவது நூறுவீதம் தவறான செயலாகும்.  ஈரானிடம் சென்று எரிபொருள் உதவி கோருகிறோம், அவர்களும் இலங்கையை ஒரு நட்பு நாடாகக் கருதி எமக்கு உதவ முன்வருகின்றனர். இலங்கைக்குத் தேவையான எரிபொருளைக் கொண்டுவரும் கப்பல்களுக்கு எவ்வித இடையூறும் செய்யமாட்டோம் என ஈரான் உறுதியளித்துள்ளது. அங்குள்ள எமது நாட்டுத் தொழிலாளர்களின் பாதுகாப்பையும் அவர்கள் உறுதி செய்துள்ளனர்.  இந்நிலையில் எமக்கு உதவும் ஒரு நாட்டின் தூதுவர் கூறும் கருத்தைப் பொய்யெனக் கூறி அவர்களை அவமதிப்பது முறையான இராஜதந்திரம் அல்ல. அது ஈரான் அரசாங்கத்தின் கன்னத்தில் அறைவது போன்ற செயலாகும். இவ்வாறான பொறுப்பற்ற வெளியுறவுக் கொள்கையை நாம் ஒருபோதும் அனுமதிப்பதில்லை. மேலும்  தற்போதைய அரசாங்கம் எந்தவொரு புதிய திட்டத்தையும் முன்னெடுக்கவில்லை. ரணில் விக்கிரமசிங்கவின் அரசாங்கம் முன்னெடுத்த அதே எரிபொருள் விலை சூத்திரத்தையே இவர்களும் பின்பற்றுகின்றனர். குறைந்த வருமானம் பெறும் மக்களைப் பாதுகாக்க முறையான சமூகப் பாதுகாப்பு வலையமைப்பு  ஒன்றை உருவாக்க இவர்களால் முடியவில்லை. சர்வதேச நாணய நிதியத்துடன் பேச்சுவார்த்தை நடத்தி மக்களுக்குத் தேவையான நிவாரணங்களை வழங்க அரசாங்கம் தவறிவிட்டது.  நிலக்கரி மோசடி காரணமாக இன்று நாட்டு மக்களுக்கு பாரிய நட்டம் ஏற்பட்டுள்ளது. தரமற்ற நிலக்கரி இறக்குமதியால் ஒரு நாளைக்கு 8  இலட்சம் லீட்டர் டீசலை மேலதிகமாகப் பயன்படுத்த வேண்டிய நிலை ஏற்பட்டுள்ளது.  இதற்கு அரசாங்கமே பொறுப்பு கூற வேண்டும்.  பொதுமக்களின் நியாயமான போராட்டங்களை நசுக்க அரசாங்கம் புதிய பயங்கரவாத எதிர்ப்புச் சட்டத்தையும் கொண்டுவர முயற்சிக்கின்றது. இது 1979 ஆம் ஆண்டின் சட்டத்தை விட பத்து மடங்கு ஆபத்தானது. இவ்வாறான அடக்குமுறைகள் மூலம் மக்களின் குரலை ஒடுக்க முடியாது என்றார்.

• Editor
• March 25, 2026
• அரசியல், தமிழ் Header
• அரசியல்
• 0 Comments

பராட்டே சட்டத்தின் அமுலாக்கத்தை உடனடியாக இடை நிறுத்த வேண்டுமென எதிர்க்கட்சித் தலைவர் சஜித் பிரேமதாச வலியுறுத்தியுள்ளார்.  நுண், சிறிய மற்றும் நடுத்தர தொழில் தொழில்முயற்சியாளர்களுக்கும் எதிர்க்கட்சித் தலைவர் சஜித் பிரேமதாசவிற்கும் இடையில் கொழும்பில் 25-03-2026 அன்று சந்திப்பொன்று இடம்பெற்றது.  அச்சந்திப்பின் பின்னர் ஊடகங்களுக்கு கருத்து வெளியிடும்போதே அவர் மேற்கண்டவாறு தெரிவித்தார். அவர் மேலும் தெரிவிக்கையில், வேகமாக எரிபொருட்களின் விலைகள் அதிகரித்தமையினால் நாட்டின் பொருளாதாரத்திற்கு 52 சதவீதம்  பங்களிப்புப் பெற்றுத் தரும் நுண், சிறிய மற்றும் நடுத்தர தொழில் தொழில்முனைவோரும் கடுமையான சிரமத்தை எதிர்நோக்கியுள்ளனர்.  இந்த …

• Editor
• March 24, 2026
• அரசியல், தமிழ் Header
• அரசியல்
• 0 Comments

ஜனாதிபதி அநுர குமார திசாநாயக்கவுக்கும், இந்திய பிரதமர் நரேந்திர மோடிக்கும் இடையில் தொலைபேசி உரையாடல் ஒன்று 24-03-2026அன்று இடம்பெற்றுள்ளது.  இதன்போது மத்திய கிழக்கில் நிலவும் மாறிவரும் சூழ்நிலைகள் குறித்தும், குறிப்பாக உலகளாவிய எரிசக்தி பாதுகாப்பில் ஏற்பட்டுள்ள பாதிப்புகள் குறித்தும் கலந்துரையாடப்பட்டுள்ளதாக இந்திய பிரதமர் தமது எக்‌ஸ் தளத்தில் தெரிவித்துள்ளார்.  இந்தியா – இலங்கை இடையிலான எரிசக்தி ஒத்துழைப்பை வலுப்படுத்துவதற்கும், பிராந்திய பாதுகாப்பை மேம்படுத்துவதற்கும் முன்னெடுக்கப்படும் முக்கிய திட்டங்களின் முன்னேற்றம் குறித்து ஆராய்ந்துள்ளதாகவும் அவர் குறிப்பிட்டுள்ளார்.  நெருங்கிய மற்றும் நம்பிக்கைக்குரிய பங்காளிகள் என்ற ரீதியில், பொதுவான …